Abstract:
Deg tazrawet-a nemmeslay-d ɣef yiferdisen iziḍrisanen deg -s newwi-d awal ɣef wazal i sɛan yiferdisen iziḍrisen . Asteqsi agejdan n tezrawet-a yella akka : Ma yella iferdisen iziḍrisanen tteɛawanen inelmaden deg tegzi tamatut n uḍris. Iwakken ad nerr ɣef ugnu nesbedd-d iswan-a : nra ad nwali amek i semrasen yiselmaden iferdisen iziḍrisanen deg tneɣrit , ma yella asemres-nsen yettɛawan inelmaden deg tegzi tamatut n uḍris. Yal leqdic ussnan ibedd ɣef tesnarrayt , deg umahil-a, iwakken ad nessaweḍ ad d-nerr yef usteqsi agejdan, nefren tafakust n tannayt deg tneɣrit, acku d yiwen seg ttawilat n ugmar n yinefkan srid daxel n tneɣrit. Igmaḍ iɣer nessaweḍ deg leqdic-a, nufa-d iferdisen iziḍrisanen tteɛawanen inelmaden deg tegzi n uḍris , ttaken-as-d tikti tamatut ɣef usentel n uḍris uqbel taɣuri-ines , s yiferdisen-a azwel , tugna , amaru yessawaḍ ad d-yesbedd turdiwin n unamek ɣef uḍris , sifsusen-asen tigzi tamatut n uḍris
