Abstract:
Taklut ɣef leḥyuḍ d yiwet n tallilt taqburt i d-isskanayen izamulen idelsanen n tmettiyin, yezmer ad yettwaḥseb d allal n taywalt war awal, i seqdacen iriten inezganen d teklut ɣef leḥyuḍ akken ad yessenfali umdan iḥulfan-is. Leqdic-nteɣ yekcem deg taɣult n teẓruzmult, anda i nessaweḍ nefka-d tiwuriwin d yinumak i sɛan yizmulen i yettwareqqmen ɣef leḥyuḍ n yixxamen n leqbayel, i yeddren yid-nneɣ seg wacḥal n leqrun aya. Deg tama nniḍen nessbeyen-d d akken azmul n teklut ɣef lḥiḍ yezmer ad ifares talɣut ɣef win i sunɣen irit-nni neɣ ɣef win i wumi yettwasuneɣ yirit-nni neɣ s umata ɣef twennaḍt i deg i yettɛici umdannni
