Abstract:
Tazrawt-nneɣ, tcudd ɣer taɣult n tesnilest n tmaziɣt, afurek n tesnafyirt; s unamek-nniḍen, d tinfaliyin tukrifin i yeqqnen ɣer wamuren n tfekka n umdan i d-negmer seg temnaḍt n Tizi Lqern, syin nga-asent tasleḍt tasnamkawalant. Nra deg tezrawt-a ad nessiweḍ ɣer yiswan-nneɣ i yellan d tifin n tadra neɣ ansa i d-yekka unamek amatu n ukarif, assaɣ i yellan gar wawalen-nni i tt-yebnan akked unamek uffir, s wanwa akala i yettwabna ma s tgetnamka neɣ s tenɣumnayt, nerna neɛreḍ nekkes-d aẓar n tayunin timawalanin i tt-yessilɣen akked yinumak ilelliyen i sɛan umbaɛ mi dduklen anwa anamek ukrif i d-fkan. Nezmer ad d-nini ɣer taggara n wawal d akken annar-a wessiɛ yerna d ameṛkanti, yessefk ad nnegrawen yimnuda fell-as yal wa deg temnaḍt iwakken ad negmer akk tinfaliyin-a tukrifin i yeffren ɣer tlawin d temɣarin d kra n yirgazen s yinumak yemgaraden, acku ur ssinen ara azal-nsent dɣa ṛuḥent ad neggrent
