Abstract:
Tazrawt-nneɣ tin id-yellan ɣef "Teslaḍt tasnalɣamkant n umawal n yimɣan n tujya deg temnaḍt n Iberbacen akked Iraḥmunen".
Leqdic-nneɣ, yebḍa ɣer kraḍ n yiḥricen, deg tazwara ad d-nemmeslay ɣef yiferdisen n tesnarrayt ɣef ara tebnu tezrawt, deg-s ad d-nawi awal ɣef: usissen n temnaḍt, asissen n wammud, asissen n yimsulɣa, asissen n tarrayt n tagmert n wammud, asissen n tarrayt n tesleḍt.
Aḥric wis sin: d aḥric n tezri, anda ara d-nesbadu aswir n tesnalɣa akked umawal, akked usxir n tesnamka, acu i tzeru yal yiwet deg-sent.
Aḥric wis krad: d aḥric n tesleḍt anda ad nexdem tasleḍt i wawalen i d-nergmer deg wayen yeԑnan aswir n tesnalɣa d tesnamka ,anda yal aḥric ad yesԑu tazwert d tegrayt ad d-nefk deg yal tayunt ama d taḥrfit, tasuddimt neɣ d tuddist, iferdisen n talɣa akked unamek-is, amek i t-id-fkan yimsuɣa n yal tamnaḍt d wameki t-id-bedren yisegzawalen i d-yellan ɣef teqbaylit
