Abstract:
Tazrawt-nnegh tbed ghef usentel "Tizemmar n yinelmaden deg ufares n udris imsegzi,aswir wis sin agherbaz alemmas". Di tezwert tamatut nefka-d deg-s tikti tamatut ghef tezrawt, nebder-d asteqsi agejdan i ghef ibed, syin nefka-d turdiwin akken ad nerr ghef usteqsi-nni. Syin nebda tazrawt-nnegh ghef sin yixfawen yal ixef yebda ghef sin yehricen. Ixef amezwaru n tezrawt-nnegh d tizri d tesnarrayt, ahric amezwaru "Aselmed n ufares s tira" nemeslay-d ghef tbadut n tesnalmudt n tira d wayen icuden ghur-s, rnu nemeslay-d ghef tugzimt d wayen yesaan assagh yid-s. Ma yella d ahric wis sin, nmeslay-d ghef tesnarrayt n leqdic-nnegh. Nessasen-d deg-s annar n tsestant-nnegh d tfukas i nedfer akken ad d-negmer inefkan. Ixef wissin Tasledt n yinefkan, ahric amezwaru "Tasledt n yinefkan n tannayt" nga tasledt i yinefkan n tannayt i d-negmer deg ugherbaz alemmas, aswir wis sin. Ma deg uhric wis sin nesled ifuras i gan yinelmaden deg termudt n usenfali s tira. gher taggara n tezrawt, deg teggrayt tamatut nemmeslay-d ghef yigemmad i gher nessawed, syin nefka-d tiririt n usteqsi agejdan
