Tazrawt n uglam deg wungal Chdeb akked yizuran n Houd Malek

Abstract

Tazrawt-nneɣ terza taɣult n tsekla yuran s Tmaziɣt, iwumi nefka azwel “Tazrawt n uglam deg wungal Ccḍeb akked yiẓuran” n Malek HOUD. Leqdic-a yebḍa ɣef kraḍ n yeḥricen : aḥric n tesnarrayt ; deg-s nebder-d asissen n usentel, asteqsi agejdan d yisteqsiyen inaddayen, timental d yiswi n ufran n usentel, asissen n usagem akked ugzul-is. Aḥric aẓrayan ; i nebḍa ɣef sin yixfawen : ixef n tsiwelt, deg-s nefka-d tabadut n tsiwelt, d yiferdisen-is. Ma deg yixef wis sin, nessaweḍ ad d-nesnekwu aglam d tfukkas-ines (taggayin, tiwsatin, tiwuriwin, timhal, d wadeg n uglam daxel n wungal), ilmend n tmuɣliwin n kra n yimusnawen. Ma d aḥric n tesleḍt, yella-d seld taɣuri n wungal i nufa d amesbaɣur n uglam, nga-as tasleḍt, nessasmel-it ilmend n wayen akk i d-nebder yakan deg teẓri. S wakka, nessebgn-d ɣer taggara azal n uglam daxel n wungal