Aserwes amsislan-asnimeslan gar snat n tmeslayin n tantala Taqbaylit (Ayt Smaɛel & Adekkar)

Abstract

119 Tazrawt-a d tin ikecmen deg taɣult n tesnilest, d tarakalt tamutlayt, anda i d-newwi awal ɣef userwes gar snat n tmeslayin n tantala taqbaylit Ayt Smaɛel d Udekkar deg uswir amsislan d usnimeslan, imi iswi n userwes-a d asuffeɣ n wayen yemtawan d wayen yemgaraden gar snat n tmeslayin-a Tazrawt tasnilsant timserwest nebḍa-tt ɣef kraḍ n yixfawen, neḍfer tarrayt n zeddi gar teẓri akked tesleḍt, ixef amezwaru yewwi-d ɣef temsislit tagsusrant nessumer-d deg-s imesla yellan deg snat n tmeslayin-a, yal imesli iman-is, ixef wis sin d win i d-yewwin ɣef temsislit tuddsant anda i d-nessuffeɣ imesla uddisen , war ma nettu nsukk tiṭ ɣef tmeslayin d tantaliwin n tmaziɣt i ilan assaɣ akked tmeslayin i nefren, ixef wis kraḍ d tasnimeslit nessuffeɣ-d deg-s tiyugiwin taddayin n tenmegla i zemmren ad yilin deg snat n tmeslayin-a. Γer taggara, nessaweḍ ɣer yigmaḍ anda i d-nufa tameslayt n Ayt Smaɛel akked tmeslayt n udekkar d tid yemgaraden s waṭas aladɣa deg temsislit