Tasledt tasnalghamkant n tesniremt n tfellaht deg snat n temnadin At Wertilan d Tuga

Abstract

Tazrawt-a terza askan n talɣiwin d yinumak n yirman n taɣult n tfellaḥt tamensayt i d-negmer deg snat n temnaḍin : At Wertilan akked Tuǧa. Nnessaweḍ negemr-d 76 n yirman. Deg-s nessasmel-iten ilmend n talɣiwinnsen : iḥerfiyen, uddisen d yisuddimen. Akken daɣen i ten-nessasmel ilmend n yinumak-nsen : ilmend n yisegzawalen n Dallet (1982), Haddadou (2014), Bouamara (2017), Haddadou (2007). Tazrawt-a tin yebḍan ɣef kraḍ n yixfawen : ixef amezwaru d iferdissen n teẓri, wis sin yessassen-d iferdisen isnarrayen, ma d wis kraḍ deg-s i nga tasleḍt i wammud n umawal n tfellaḥt i d-negmer. Deffir n tesleḍt, nufa-d dakken, deg wayen yerzan talɣa llan yirman iḥerfiyen, llan wuddisen d yisuddimen; maca d iḥerfiyen d wuddisen i yugten. Ma deg wayen yerzan inumak, nufa-d inumak-nsen ilmend n yimsulɣa, ma deg yisegzawalen nufa-d tuget deg-sen ɣer Dallet akked Bouamara