Tasmiddent n temnadt n It Wartiran gar tgezmi d tmeghelt

Abstract

Tas akken a tas n yinadiyen ussnanen i d-yellan deg tallit-a taneggarut ghef yisental yemgaraden i icudden gher taghult n tesnisemt deg tmurt n Lezzayer, ladgha deg wayen yerzan tafurkect n tesmidegt, maca isental yeqqnen gher tesmiddent mazal uqan, rnu imahilen i d-yellan deg tfurkect-a tuget deg-sen d tasledt tasnalghamkant n yismawen n yimdanen negh n yismawen n twaculin. Tazrawt-a tella-d ghef unagraw asmiddnan n temnadt n It Wartiran (It Wartiran, It Cbana, It Muhli, iin Legrag), d anadi ghef umhaz n yismawen n yimdanen deg temnadt-a, ghef teghzi n umezruy gar useggas 1894 d useggas 2014, rnu gher waya tifin n tulmisin tisnalghanin d tesnamkanin n yal taggayt n yismiddnen deg krad n talliyin n tezrawt, gher taggara nufa-d taggayin n yismiddnen yejlan (tigezmi), widak i iherzen tilin-nsen (timeghlelt), akked widak i d-ibanen deg tallit-a taneggarut.