Abstract:
Tazrawt nneɣ terza aẓayer n Lwennas Matub d tmedyezt-is deg tmetti ; deg tazwara newwi-d awal ɣef tsnarrayt i nesseqdec .syin nemmeslay-d ɣef tmedyezt timawit tamensayt d tin yettwalɣen, am wakken id newwi awal ɣef kra n tmiḍranin icudden ɣer teẓri i nesseqdec d tid yerzan tasenhuski n termast. Deg tesleḍt tazwara nemmeslayed ɣef tedyanin tigejdanin i deg id iban uẓayer n Lwennas Matub d tmedyezt-is deg tmetti ama send neɣ seld tamettant-is. Syin nesleḍ timuɣliwin nugdud anermas deg tmedyezt n Matub aya ilmend n tɣuriwin id yellan fella-s.Ɣer taggara nefka-d igemmaḍ id nessekfel deg teɣzi n tezrawt nneɣ dakken : Matub d amḥaddi d amastan d lḥerma n yimesdurar ,d azamul d lewhi n tsuta d abɣas , tamedyezt-is d asagem n tmusni d usirem d tumast i tsutwin i d iteddun
