Tasuntit deg wungal «Tigusa n Tissas» n Rachida Ben Sidhoum

Abstract

Tasekla taqbaylit d annar wessieen, d tin i d-inejren abrid ghezzifen akken ad d-tawwed gher tizi n wassa, d tin i d-i.eddan ghef talliyen yemgaraden: timawit, ajerred, allalen n teywalt, tira. Tasekla n tlawin d tin yettfen am.iq deg umezruy, Awal "tasekla tuntit " yemmal-d akk ayen urant tlawin. Maca tira-ayi n tlawin d yiqeddicen ixeddment ttwaderfen ur as-nefkin ara azal deg umezruy aseklan, imi tanfalit "tasekla tuntit" seqdacent s unamek n diri dayen i yeggan tilawin ad kkrent mgal ismawen i llan tsemmin-as i tsekla-ayi. Tazrawt-iw d tin ara yilin ghef tsuntit deg wungal « Tigusa n tissas ». Tasuntit deg wungal, d amennugh ghef yizerfan n tmettut di tmetti, tettnadi ad yili use.del gar urgaz d tmettut deg taghulin yemgaraden. Tazrawt-iw ad tebdu ghef krad n yixf-awen, ixf amezwaru d win n tesnarrayt, deg-s ad mmeslayegh ghef tmental n ufran n usentel, iswi n tezrawt, kra n tizrawin i immugen ghef usentel n tsuntit, asteqsi agejdan akked turdiwin, asissen n tnagalt akked usagem. Ixf wis sin d win n tezri i b.i. s timmad-is ghef sin yiferdisen ; aferdis amezwaru Tasekla tuntit, deg-s ad mmeslayegh ghef tasekla taqbaylit, tasekla n tlawin deg umadal, amezruy n tlawin di tsekla taqbaylit, ungalen untyin s teqbaylit, azayer n tmettut di tmetti taqbaylit. Aferdis wis sin d tasuntit, deg-s ad d-nemmeslay ghef tbadut n tsuntit, amezruy n tsuntit deg umadal , amezruy n tsuntit di Lezzayer, inekmaren i d-teslal tsuntit, tabadut n uzghan asunti, amezruy n uzghan asunti Ixf wis krad d win n tesledt deg-s ad d-kkesgh isental, negh ayen i ghef tettenna. tmettut taqbaylit deg ungal « Tigusa n tissas ». Seld tasledt n wungal ufi.-d d akken d tidet ieewwiqen n tmetti i d-yettehbasen tamettut ur tessawad ara tirga-ines akked lebghi-ines di timetti, imi ttexmam n tmetti yezleg, ghas ulama yella kra n ubeddel seg talliyin i yezrin gher tallit-a, Seg tamaw ssawdegh ad gegh tasledt tasuntit, ilmend n yiswi i bghi. ad ssiwdegh Sseknegh-d azal d uzayer n tmettut deg tmetti taqbaylit, d wamek tettharab ghef yizerfan-is, sbeynegh-d daghen azayer fkant tnagalin i tmettut deg umennugh-nsent s tira n wungal.