Awal n umɣar n tmezdayt
Inelmaden, iselmaden , ixeddamen d yinerzafen iɛzizen
S tumert tameqqrant ara ken-nemmager deg usmel n Tmezdayt n Tsekliwin d Tutlayin n Tesdawit Ɛebderaḥamn Mira n Bgayet. Tamezdayt-nneɣ tezdi lqedd imi tella d adeg n ulmad, d tussna akked tagmi i d-yelhan d tezrawt n tutlayin (ama d tiɣelnawin ama d tijenṭaḍ), n tsekla akked yidles.
Asemmigel-nneɣ agejdan ad d-nefk i yinelmaden asileɣ yufraren ara ten-iheyyin ad qablen icqirrwen n umaḍal atrar. Nnumen s wazal n usileɣ asdawan
deg ubeddel n tudert d treẓmi n yiberdan imaynuten. Deg Tmezdayt n Tsekliwin d Tutlayin nekkat amek ara nesnerni tawnafit taggagt, asnulfu akked tidmi tazɣant ɣur yinelmaden.
Iselmaden-nneɣ d imazzagen, yal wa deg taɣult-is, fkan awal akken ad ɛiwnen asmures-nwen asdawan.
Tamezdayt-nneɣ tla ayen din n wahilen n tezrawin deg taɣulin n tutlayin tiɣelnawin, tutlayin tijenṭaḍ, tasnilest, tasekla akked yidles n tmaziɣt. Nessebɣas inelmaden-nneɣ akken ad snirmen ayen ḥemmlen yerna ad sefrarin tizemmar-nsen deg yal taɣult
Rnu ɣer tezrawin ifazen, nessebɣas daɣen tikkin n yinelmaden deg leqdicat izunɣerbizen, iqusisen, akked yisenfaren n tagmi. Tirmitin-a tibaɣurin ttalent deg usnerni n yiman d tmussniwin n yinelmaden.
Ur ttkukrut ara ad d-trezfem ɣer usmel-nneɣ akken ad d-tissinem ugar ɣef yimahilen-nneɣ, iselmaden, tifaskiwin-nneɣ akked ttawilat-nneɣ.
Win yettmeyyizen ad yuɣal d anelmad, nesnubgut-it akken ad d-yernu ɣer temɣiwent-nneɣ tawiwlant.
Yessefk ad nesnemmer kra win yettalen akken ad rren tamezdayt-nneɣ d adeg n ulmad ixalfen. Akken ma nella, ad nkemmel alma newweḍ tiqucac anda ara nezg d unnigen.
Tanemmirt ɣef tirza-nwen, nessaram-awen ad tafem kra n wayen yelhan deg usmel-a.
